“МАНДАЛ ИРЭЭДҮЙН ӨСӨЛТ" ХАМТЫН ХӨРӨНГӨ ОРУУЛАЛТЫН САНГИЙН АНХДАГЧ ЗАХ ЗЭЭЛИЙН АРИЛЖААНЫ НӨХЦӨЛД ӨӨРЧЛӨЛТ ОРЛОО
"Мандал Ассет Менежмент ҮЦК" ХХК-ийн үүсгэн байгуулсан "Мандал Ирээдүйн Өсөлт" хамтын хөрөнгө оруулалтын сан нь нийт 50 тэрбум (50,000,000,000) хүртлэх төгрөгийн үнийн дүн бүхий нэгж эрхийг бүртгүүлж, Санхүүгийн зохицуулах хорооны 2021 оны 6 дугаар сарын 29-ний өдрийн 1/2304 тоот албан бичгээр олгосон зөвшөөрлийн дагуу нэгж эрхийн анхдагч зах зээлийн арилжааг 2021 оны 6-р сарын 30-ны өдрөөс 2021 оны 8 дугаар сарын 10-ны өдөр хүртэлх хугацаанд зохион байгуулах билээ.
Сангийн нэгж эрхийн танилцуулгад заасны дагуу тавин тэрбум (50,000,000,000) хүртэлх хөрөнгийн 47,500,000 ширхэг нэгж эрх буюу 47,500,000,000 (дөчин долоон тэрбум таван зуун сая) төгрөгийн хөрөнгийг олон нийтээс татан төвлөрүүлэх ба үлдэх 2,500,000 ширхэг нэгж эрх буюу 2,500,000,000 (хоёр тэрбум таван зуун сая) төгрөгийн хөрөнгө оруулалтыг үүсгэн байгуулагч хөрөнгө оруулалтын менежментийн компани болох "Мандал Ассет Менежмент" ХХК-аас оруулах юм.
2021 оны 7 дугаар сарын 22-ны өдрийн байдлаар тус сан нь олон нийтээс татан төвлөрүүлэх хөрөнгийн 80-аас дээш хувьтай тэнцэх дүн буюу 40 гаруй тэрбум төгрөгийн захиалгыг олон нийтээс хүлээн аваад байна. Арилжааны захиалгын явцыг бодит цагийн горимоор эндээс үзнэ үү.
"Мандал ассет менежмент ҮЦК" ХХК-ийн 2021 оны 7 дугаар сарын 21-ний өдрийн 21/045 тоот албан бичгээр арилжааны нөхцөлд зарим өөрчлөлт оруулах хүсэлтийн дагуу олон нийтийн захиалгын явц 100 хувь буюу 47,500,000,000 (дөчин долоон тэрбум таван зуун сая) төгрөгийн үнийн дүнд хүрсэн тохиолдолд захиалга хүлээн авах үйл ажиллагааг 2021 оны 8 дугаар сарын 10-ны өдрөөс өмнө хааж, захиалга өгсөн хөрөнгө оруулагчдын захиалгыг бүрэн биелүүлэхээр боллоо.
"Мандал ассет менежмент ҮЦК" ХХК-аас ирүүлсэн хүсэлтийг эндээс үзнэ үү.
Эх сурвалж: Монголын Хөрөнгийн Бирж