"CЭНТРАЛ ЭКСПРЕСС СИ ВИ ЭС" ХК-ИЙН ХОЁРДОГЧ ЗАХ ЗЭЭЛИЙН АРИЛЖАА 2021.11.15-НЫ ӨДРӨӨС ЭХЭЛНЭ
СЗХ-ны даргын 2021 оны 11 дүгээр сарын 10-ны өдрийн 1/3908 тоот албан бичгээр "Cэнтрал Экспресс Си Ви Эс” ХК-ийн нийтэд санал болгон арилжаалсан үнэт цаасны анхдагч зах зээлийн арилжааг амжилттай болсонд тооцсон бөгөөд хоёрдогч зах зээлийн арилжааг 2021 оны 11 дүгээр сарын 12-ний өдрөөс эхлүүлэх зөвшөөрлийг олгосон байна. Иймээс хөрөнгө оруулагчид анхдагч зах зээлийн арилжаанаас үлдсэн мөнгийг үнэт цаасны компаниараа дамжуулан буцаан авах эрх үүссэн болно.
Тус хувьцаа нь Монголын хөрөнгийн бирж дээр CUMN үсгэн кодтойгоор арилжигдах бөгөөд "Үнэт цаасны төвлөрсөн хадгаламжийн төв" ХХК-ийн үнэт цаас бүртгэх үйл ажиллагаанд гарсан асуудлаас хамааран хоёрдогч зах зээлийн арилжааг 2021 оны 11-р сарын 15-ны өдрөөс эхлүүлэхээр боллоо.
Эх сурвалж: Монголын Хөрөнгийн Бирж