"CИМПЛ II БОНД" ӨРИЙН ХЭРЭГСЛИЙН АНХДАГЧ ЗАХ ЗЭЭЛИЙН АРИЛЖАА ЭХЭЛНЭ
Санхүүгийн зохицуулах хорооны 2023 оны 10 дугаар сарын 02-ны өдрийн 459 дугаар тогтоол, "Монголын хөрөнгийн бирж" ХК-ийн Гүйцэтгэх захирлын 2023 оны 09 дүгээр сарын 19-ний өдрийн А/182 тоот тушаалаар “Ашид капитал ББСБ” ХХК-ийн нийтэд санал болгон гаргаж буй “Симпл II бонд” өрийн хэрэгслийг бүртгэсэн.
Дараах нөхцөлтэй “Симпл II бонд” өрийн хэрэгслийн анхдагч зах зээлийн арилжааны захиалгыг 2023 оны 10 дугаар сарын 11-ний өдрөөс 17-ны өдрүүдэд /ажлын 5 хоног/ 10:00-17:00 цагийн хооронд Монголын хөрөнгийн биржийн IPO системээр дамжуулж хүлээн авахаар боллоо.
Бондын нэр: “Симпл II бонд”
Бондын тоо ширхэг: 150,000 ширхэг
Бондын нэрлэсэн үнэ: 100,000 төгрөг
Бондын нийт үнийн дүн: 15,000,000,000 төгрөг
Бондын хүүгийн хувь хэмжээ: Жилийн 17.5%
Бондын хугацаа: 12 сар
Бондын хүү төлөгдөх хугацаа /давтамж/: Сар тутамд
Захиалга авах хугацаа: 2023.10.11 - 2023.10.17
“Симпл II бонд”-ын үндсэн андеррайтераар “Голомт капитал ҮЦК” ХХК, туслах андеррайтераар “Мандал Капитал Маркетс ҮЦК” ХХК ажиллаж байгаа бөгөөд татан төвлөрүүлэх үнийн дүн 100 хувь бүрдсэн тохиолдолд захиалгыг хаах нөхцөлтэй байна.
Үнэт цаасны танилцуулгыг энд дарж үзнэ үү.
Эх сурвалж: Монголын Хөрөнгийн Бирж