"АРД КРЕДИТ ББСБ" ХК-ИЙН НИЙТЭД САНАЛ БОЛГОН НЭМЖ ГАРГАЖ БУЙ ХУВЬЦААГ БҮРТГЭЛЭЭ
Санхүүгийн зохицуулах хорооны 2023 оны 09 дүгээр сарын 01-ний өдрийн 428 тоот тогтоол болон "Монголын хөрөнгийн бирж" ХК-ийн Гүйцэтгэх захирлын 2023 оны 08 дугаар сарын 04-ний өдрийн А/140 тоот тушаалын дагуу "Ард Кредит ББСБ" ХК-ийн олон нийтэд нээлттэй хүрээнд нэмж гаргаж буй нэг бүр нь 10 төгрөгийн нэрлэсэн үнэ бүхий 84,000,000 ширхэг энгийн хувьцааг бүртгэн, тус компанийн нийт гаргасан энгийн хувьцааны тоог нийт 364,000,000 ширхэг байхаар Монголын хөрөнгийн биржийн үнэт цаасны бүртгэлд өөрчлөлт орууллаа.
"Ард Кредит ББСБ" ХК-ийн нэмэлт хувьцааг олон нийтэд танилцуулах үйл ажиллагаанд үндсэн андеррайтераар "Стандарт Инвестмент ҮЦК" ХХК, туслах андеррайтераар "Ард Секюритиз ҮЦК" ХХК ажиллаж байна.
Үнэт цаасны танилцуулгатай энд дарж танилцана уу.
Эх сурвалж: Монголын Хөрөнгийн Бирж